Xa está en marcha o Primeiro Concurso de MeLiSA con R, un concurso a través do cal a Asociación de Usuarios de Software Libre da Terra de Melide (MeLiSA), coa colaboración da Axencia para a Modernización Tecnolóxica de Galicia (AMTEGA), propón empregar R para tratar unha serie de datos (que serán os mesmos para todas as persoas participantes) do xeito que estimen máis interesante.
Os proxectos poderán presentarse desde o 15 outubro ata o 30 de novembro. Consulta e descarga as bases no seguinte enlace:
Bases do concurso MeLiSA con R
Para resolver calquera dúbida sobre as bases, podes dirixir un correo ao enderezo concursor@melisa.gal. Aquelas que consideremos que son interesantes ou que poden aportar maior claridade ás bases, serán publicadas neste mesmo espazo.