xeoPesca é unha ferramenta informática para rexistrar a actividade pesqueira dunha flota de barcos.
Ofrece a creación dun rexistro de actividade pesqueira que achega varias vantaxes competitivas, como as seguintes:
- Facilita a comunicación entre o patrón e o armador.
- Analiza os recursos mariños, para así poder optimizar as capturas en función da experiencia rexistrada no sistema.
- Ofrecer unha maior trazabilidade na cadea alimentaria, e conseguir unha diferenza respecto da competencia.
Un dos obxectivos a conseguir por xeoPesca é substituír o proceso actual baseado no recordo humano, por un repositorio documentado da experiencia pesqueira, co cal poder localizar mellores caladoiros.
A solución consiste nunha aplicación web que foi desenvolvida baixo unha metodoloxía iterativa incremental. Para poder programar a aplicación utilizaronse diferentes ferramentas, entre as cales destacan Java, PostgreSQL, Maven ou GeoServer.
xeoPesca é un proxecto creado por Pablo Belay Fernández, e distribúese baixo unha licenza libre GNU General Public License version 3.